აღნიშნულმა კანონმა 25 დისკრიმინაციული კანონი მოიზარა, ამას გარდა  განსაზღვრა პირდაპირი და არაპირდაპირი დისკრიმინაციის მნიშვნელობა და თავად დისკრიმინაციის პრინციპიც განსაზღვრა.

​

ანტიდისკრიმინაციულ კანონს სახალხო დამცველის აპარატი ზედამხედველობს. ომბუდსმენი ყოველწლიურად აფასებს და აჯამებს დისკრიმინაციის ნიშნით მიმართვიანობას. ბოლო ანგარიშების მიხედვით კი, პირველ ადგილზე სქესის ნიშნით დისკრიმინაციაა. პირველ ხუთეულში ასევე შევიდა რელიგიის ნიშნით და პოლიტიკური მოსაზრებების გამო დისკრიმინაცია.

​

ვის იცავს კანონი „დისკრიმინაციის ყველა ფორმის აღმოფხვრის შესახებ“?, რატომ გახდა საჭირო ამ კანონის მიღება?, ადგენს თუ არა კანონი აღსრულების მექანიზმებს?, სწორედ აღნიშნული კითხვები წარმოიშვა კანონის მიღების თანავე, ამ კითხვებზე პასუხის მისაღებად კი ჰაინრიჰ ბიოლის ფონდში მოწვეულმა სტუმრებმა ისაუბრეს.

​

სტუმრებს შორის პარლამენტის იმ დროინდელი წევრი, თამარ კორძაიაც იმყოფებოდა, რომელმაც განაცხადა, რომ ამ კანონის მიღება არის გარღვევა. იმდროინდელი იუსტიციის მინისტრის მოადგილემ, გოჩა ლორთქიფანიძემ კი განაცხადა, რომ საზოგადოება დისკრიმინაციას უკვე მიჩვეულია და მათთვის დისკრიმინაციის თმენა ნორმაა.

„პოლიტიკური მნიშვნელობა იყო ის, რომ ეკლესიის მხრიდან შანტაჟის და ზეწოლის მიუხედავად სახელმწიფომ დეკლარაციულ დონეზე მაინც გამოხატა თავისი ნება, რომ პატივს სცემს თანასწორობის უფლებას განურჩევლად იმისა, თუ რომელ ჯგუფს მიეკუთვნება ადამიანი. და სახელმწიფომ გაუძლო ზეწოლას და წნეხს და კანონიდან არ ამოიღო ის ოთხი სიტყვა, რომლის ამოღებასაც დაჟინებით ითხოვდნენ - სექსუალური ორიენტაცია და გენდერული იდენტობა“ - განაცხადა იურისტმა გიორგი გოცირიძეს. (წყარო რადიო თავისუფლება)

​

აღნიშნული კანონის მიღების შემდეგ ულტრანაციონალისტური ჯგუფები კანონის გადახედვას მოითხოვდნენ. ჰომოფობიურად განწყობილი ნაციონალისტური ჯგუფების ლიდერი, ლევან ვასაძე კი იმდროინდელ და მომავალ მთავრობასაც აფრთხილებდა, რომ თუ არჩევნებში ხმების მოპოვება სურდათ, ამისთვის ეს კანონი უნდა გაეუქმებინათ, თუმცა ამ განცხადებიდან სამი დღის შემდეგ ულტრანაციონალისტების ჯგუფის ნაწილი ამბობს, რომ ანტიდისკრიმინაციულ კანონს ზოგადად არაფერს ერჩის, მთავარია მასში არაფერი ეწეროს სექსუალური ორიენტაციისა და გენდერული იდენტობის ნიშნით თანასწორობაზე.

​

დღევანდელი ხლეისუფბლება, მმართველი გუნდი - „ქართული ოცნება“, ამ კანონის მიღებით ამაყობს და აცხადებს, რომ აღნიშნულით ყველა ადამიანი, რომელიც რომელიმე ნიშნით შესაძლოა დისკრიმინაციის მსხვერპლი გახდეს დაცულია სწორედ ამ კანონის ფარგლებით, თუმცა 2021 წლის 5 ივლისს, თბილისის პრაიდის გმართვის დროს ქალაქის მერმა, კახა კალაძემ და პარტიის თავმჯდომარემ, ირაკლი კობახიძემ განაცხადეს, რომ მიზანშეწონილად არ მიაჩნდათ თბილისის პრაწიდიას გამრთვა, რადგან მათივე მტკიცებით ამას შესაძლოა სიტუაციის გამწვავება მოჰყოლოდა.

​

იურისტი გიორგი მშვენიერაძე ჩვენთან ინტერვიუში აცხადებს, რომ სახელმწიფოს პოლიტიკა უნდა ემიჯნებოდეს დისკრიმინაციას და უნდა იცავდეს ყველა ადამიანს, რომელიც დისკრიმინაციის მსხვერპლი ან მომავალი მსხვერპლია. ამ კანონის მიღება კი აღნიშნავს, იმას რომ საფუძვლიანად მისი აღსრულების პროცესი მიმდინარეობს.